Neste trabalho pessoal quero compartilhar ideias, histórias e artigos do passado e do presente

N' es trabadju N kré raparti ku nhas amigu ideias, stórias i tempu di tempu ki dja pasa i di oxi

quarta-feira, 16 de janeiro de 2013

MAR

MAR
...
Mar, berdi-mar, ta mete-m medu;
Sim' e ta iludi otus, mi e ta disnortia-m.
E tem buniteza, N sabe, e ten grandeza pa kanta,
Béru di lion, e ten pragas di infernu...

E ten brandura també, e ten afagus d' Inkantada, 
Musgu, bida, freskura, aromas k' e só di se'l...,
Ma e senpri un brutu, mandador salbaxi,
Ti na si beju na area, ora rafegadu, ora mansu...

Guela temerozu di dimoni ki ta da-m medu, 
Senpri ku fomi di tudu, e ta jera gera
ku kes ki sen medu, ta lansa n'el pa nabega...

Á Nhordés, ka nhu dexa-m more riba d'agu mar,
Pamo, pa mi, ta serba maguas pa ternidadi
Si ondias di mar brabu sirbi-m di skifi. 

Traduson na kauberdianu
di puema  MAR  di Delfim Guimarães 
Queluz, Agostu di 1991 

Sem comentários:

Enviar um comentário